Жасанды интеллект (ЖИ) қарқынды дамып, білім беру мен бизнес саласынан бастап, өнер мен ғылымға дейін кеңінен қолданылуда. Қазіргі заманғы ЖИ модельдері аналитикалық, күнделікті және шығармашылық тапсырмаларды автоматтандырып, мәтіндік, визуалды және аудиовизуалды материалдар жасай алады, үлкен көлемдегі деректерді талдап, пайдаланушының қажеттіліктеріне бейімделе алады. ЖИ-тің негізгі технологиялары мен трендтерін қарастырайық.

ЖИ қандай негізгі мүмкіндіктерді ұсынады?
Жасанды интеллект (ЖИ) жұмыс пен оқытуға деген көзқарасты түбегейлі өзгертетін бірқатар мүмкіндіктерге ие:

• Табиғи тілді өңдеу (Natural Language Processing, NLP) – бұл компьютерлер мен адам тілінің өзара әрекеттесуін зерттейтін ЖИ саласы. NLP машиналарға табиғи тілдегі мәтінді немесе сөйлеуді түсінуге, талдауға және генерациялауға мүмкіндік береді. NLP технологиялары машиналық аударма, чат-боттар және дауыстық көмекшілер сияқты шешімдер арқылы білім беру саласында кеңінен қолданылады. Бұл технологиялар оқу үдерісін жақсартуға, білімді бағалауға және білім беру контентін жекелендіруге көмектеседі.
• Контент генерациясы – бұл жасанды интеллект алгоритмдерін пайдалана отырып, бірегей мәтіндер, суреттер, музыка немесе бейнероликтер жасау процесі. Бұл технологиялар үлкен көлемдегі деректерді талдап, пайдаланушының сұранысына сай жаңа материалдар жасайды.  Жаңа контент жасаудан бөлек, ЖИ модельдері бар материалдарды толықтырып, өңдеп, стильдік өзгерістер енгізе алады және оларды әртүрлі мақсатты аудиторияларға бейімдей алады. Генеративті нейрожелілердің танымал үлгілері:

-GPT – мәтіндер үшін
-Midjourney – суреттер үшін
-Jukebox – музыка үшін
-Runway Gen-2 – видеолар үшін

• Аналитика және болжау – үлкен деректерді талдау, заңдылықтарды анықтау және болашақ трендтерді болжау. Қазіргі машиналық оқыту әдістері құрылымдалмаған деректерді өңдеуге, жасырын байланыстарды табуға және білім беру процестеріндегі өзгерістерді алдын-ала болжауға мүмкіндік береді. ЖИ-дің аналитикалық мүмкіндіктері білім беру мекемелеріне, бизнеске және медицина саласына тиімді шешімдер қабылдауға көмектеседі.
• Процестерді автоматтандыру – құжат айналымы, есептерді талдау және қолданушыларға қызмет көрсету сияқты рутиналық міндеттерді жеңілдетеді. ЖИ жүйелері әкімшілік тапсырмаларға кететін уақытты қысқартып, өнімділікті арттырады және стратегиялық міндеттерге көбірек көңіл бөлуге мүмкіндік береді. ЖИ арқылы бизнес пен білім беру мекемелері жылдамырақ, тиімдірек және аз шығынмен жұмыс істей алады.

Жасанды интеллект бойынша ең трендтегі шешімдер
GPT (Generative Pre-trained Transformer) – OpenAI әзірлеген мәтінді өңдеудің ең озық модельдерінің бірі.

Негізгі мүмкіндіктері:

• Мағыналы және жан-жақты мәтіндер жасау.
• Диалог жүргізу және чат форматында өзара әрекеттесу.
• Әртүрлі бағдарламалау тілдеріне код құрастыру және оңтайландыру.
• Сценарийлер, оқу материалдары және шығармашылық мәтіндер генерациялау.

GPT танымалдығы оның әмбебаптығында және әртүрлі міндеттерге бейімделу қабілетінде жатыр. Ол мақалалар жазудан бастап, сұрақтарға автоматты түрде жауап беруге дейін кең ауқымды тапсырмаларды орындай алады.

Midjourney – сурет генерациясы бойынша жетекші ЖИ-платформаларының бірі.

Айырмашылықтары:

• Көркемдік жағынан жоғары сапалы графика жасау.
• Белгілі бір сұраныстарға сай суреттерді стильдеуге қабілеті.
• Бірегей визуалды контент жасау үшін нейрожелілерді пайдалануы.

Бұл технология әсіресе дизайн, маркетинг және медиа салаларында кеңінен пайдаланылады, өйткені онда шығармашылық пен ерекшелік маңызды. Сондай-ақ, ол білім беру жобаларында, ғылыми зерттеулерде және корпоративтік оқытуда да қолданылуда.

Leonardo AI – салыстырмалы түрде жаңа, бірақ белсенді дамып келе жатқан құрал.
Ол келесі мүмкіндіктерді ұсынады:

• Жоғары деңгейде детализацияланған және фотореалистік суреттер жасау.
• Ойындар мен анимациялар үшін концепт-арттар мен иллюстрациялар генерациялау.
• Графикалық дизайндағы күнделікті процестерді автоматтандыру.

Leonardo AI Midjourney-ге тікелей бәсекелес бола отырып, пайдаланушыларға икемді баптаулар мен кең мүмкіндіктер ұсынады. Бұл құрал суретшілер мен дизайнерлер үшін ғана емес, сонымен қатар білім беру, ғылыми зерттеулер және корпоративтік оқыту салаларында да кеңінен қолданылады.

Қорытынды
Жасанды интеллект қазірдің өзінде әлемді айтарлықтай өзгертіп, жұмысты жеңілдететін, тиімділікті арттыратын және шығармашылықтың жаңа көкжиектерін ашатын құралдар ұсынуда. GPT, Midjourney және Leonardo AI сияқты технологиялар өз салаларында стандартқа айналудаі, ал олардың танымалдығы күннен-күнге артуда.
ЖИ трендтерін бақылау және оны өз жұмысымызда бейімдеу – өзгермелі әлемде бәсекеге қабілетті болудың маңызды шарты.